هاقولكم السلوك الغلط واصلحه بسلوك متحضر

من طرف الإثنين 05 يوليو 2010, 21:26

فى تصرفات غلط فى مجتمعنا ويا ريت بجد نصححها يا جماعه

لأن معاتش ينفع كده

هنفضل لحد إمتي نقع في الغلط ..

عشان كده هنقول السلوك الغلط ونصلحه بسلوك متحضر

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــ

خطأ : لما يخبط فيك واحد وانت ماشى.. و تقع كتبك على الأرض ... وتاخدها وتمشى .. و تعتذروا لبعض ...

الصحيح : تمسكه من قفاه... وتمسح بيه الحيطه.. و تضربه فى بطنه .. و ياريت بالكوع أو بالركبه...
و تقوله .. مره تانيه تفتح عينك يا لوح ..

ـــــــــــــــــــــــــ ـــــــــــ

خطأ : تفتح الإشارة .. و يزمرلك واحد رخم وراك...و تطلع في المراية ... و تلقيه متعصب موت..
و تشاورله متاسفين...

الصحيح : تنزل بمفتاح عجل.. او كوريك... و تروحله... وأول مايفتح الباب ... جرّه من شعره ...
و اضربه لحد ما يبوس رجلك ...
و بعدين ..
قله مرة ثانية الاشاره خضره .. تبقى حمره.. تبقى زرقه... حط لسانك فى بقك و اخرس..

ـــــــــــــــــــــــــ ــــــــــــــ

خطأ : تدخل المحاضرة متأخر ... يقولك الدكتور اطلع برا يا فاشل .. ياللي فيك وفيك ...
ويقفل الباب فى وشك .. و تخرج وانت متضايق ...

الصحيح : انك تمسكه من كرفتته وبعدين تلفه وتلفه وتلفه وتلفه وتلفه وبعدين تريح شويه
وبعدين تلفه وتلفه وتلفه و تعلقه من الجرافته فى البروجيكتور ..
و تقوله ..
هى مش جامعه ابوك عشان تطرد الطلبه ..

ـــــــــــــــــــــــــ ـــــــــــــــــ

خطأ : قاعد أنت ومجموعة من الشباب ... وعندكم علب بيبسي ... و جايب الهدوم من على الحبل...
فصاحبك يرج العلبه ... وبعدين تيجي تفتحها .. فتتغرق هدومك... ويضحكوا عليك ..
فتقول ... و الله لارد فيك المقلب ده..

الصحيح : تمسكه ... من رجليه ... و تمسح بيه الارض ... و تجيب علبه بيبسى..
وترجها رجا مبرحا ... وبعدين تفتحها فى وشه ...
و بعدين ..
تقوله انا مش اخوك الصغير عشان تهزر معايا.. و المره دى سمحتلك عشان خاطر اصحابى..
و لا اقولك!! ... رش العلبه كلها عليه..
.ـــــــــــــــــــــــــ ــــــــــ

خطأ : تحلق عند حلاق ... ومتحمس وتقول له أعمل كذا ... وسوي كذا ... وهو يقولك ..
أنا عارف طلبك .. أنت بس ارتاح ...
وتسيبه ... وتلاقيه حالق نص شنبك ... و مبوظ شعرك... وتحاسب وتطلع ... وتقولوا ولله ما هحلق عندك تانى...

الصحيح : تاخذ الموس ... و تظبط وشه... وشنبه ودقنه ... ويبقي ميه ميه لو تحلقله راسه ...
و ما تحاسبوش ... و يا سلام عليك لو تضربوا...
و بعدين ..
قول بينك وبين نفسك ... مش هاحلق عنده تانى ...

ـــــــــــــــــــــــــ ــــــــــــــــــ

خطأ : تمشي في الشارع .... مثلا رايح مشوار ... و بعدين يجى عيل... و يرميك بطوبه..
وبعدين تقول اللهم إخزيك يا شوشو ... وتكمل طريقك .. وتقول ربنا يسامحه...الصحيح : تاخذ لك مطواه ... وتغزه بيها... و تضربه ...
وإن مضربتوش ... خد عصايه .. وامسكه و كسر عضمه ...
إن صوت خير وبركه ...
بس لو ما صوتش.. سيبه ... و روح مشوارك و خلص مشاغلك... و ارجع مخصوص عشانه.. وتتفرّغ له ...

ـــــــــــــــــــــــــ ــــــــــــــــــ

خطاً : تبقي خارج كده بتتمشي عالكورنيش .. وبعدين بتبص كده لقيت واحده معديه من جمبك
تقولها .. يا جميل يا قمر .. الجمال ده حرام يمشي عالأرض
تقوم قايلالك أومال يعني يمشي فين .. تقولها الجمال ده يمشي عالحيطه ...
تقوم راده عليك وعينيها كده فيها نظرة إحتقار كده يا أخي مش عارف ليه
وتقوم قايلالك .. بطل خفه يا ظريف ..
تقوم إنت تقولها خلاص انا آسف وتمشي وتسيبها

الصحيح : يكون ساعتها معاك حزام تكون لابسه في البنطلون ..
ويا سلام لو كان من أبو 15 جنيه اللي هو بتوكه كبيره ده
وبحتتة الحديده اللي في الحزام دي .. عارفها ( ما إنت ياما إتضربت بيها .. ولا ناسي ) ..
وفوق دماغها وتنزل يا معلم ومتسيبهاش غير لما تقول حقي برقبتي
لما يبانلها صاحب ... وتقولها .. مش كفايه إنك وحشه وكمان بتتكلمي ..

ـــــــــــــــــــــــــ ــــــــــــــــــ

خطأ : راكب عربيتك و مستعجل ... وكل اشارة توقف عندها ... حتى الاشارات اللي مافيهاش حد

الصحيح : حتى لو انت مش مستعجل ... اقطع الاشارة ...
الاشارة حطوها للي ما بيعرفوش يسوقوا زى المطبات بردو...

ـــــــــــــــــــــــــ ــــــــــــــــــــ

خطأ : ساكن في الدور الأرضي ... وفوقك ساكن واحد ... وجت الساعه واحدة ...
وأنت بتنام ... سمعت صوت وهيصه...
و مش عارف تنام ... و تروح لهم .. و تخبط عليهم... وتقول لهم .. حبكت الازعاج وانا بنام...
و ترجع .. و تلاقيهم على نفس الحاله .. وتقول .. ربنا يخدهم مش عارف انام .. وتكمل للصبح ..

الصحيح : اول شي تروح تجيب حته حديده حلوه بالبيت وبعدين تروح وتطلعله
ولا تخبط على الباب ولا الجرس اضرب الباب برجلك لحد ما يفتح و تضرب بالحديده فى راسه
فى جنب واحد لحد ما راسه تتفتح فى ناحيه واحده...

ـــــــــــــــــــــــــ ـــــــــــــــ

خطأ : متابع فيلم .. ومتحمس .. ثم يجي واحد من اخواتك ويغيّر القناة .. من غير ما يقولك...
و تقوله ليه غيرت مش شايفنى بتفرج؟؟؟؟

الصحيح : بالصينيه اللى جنبك... و لو مفيش بالطفايه اللى جنبك و تديله فى خلقته ...
و تاخد الريموت.. بدون ماتكلمه ... واتفرج على فيلمك ... وتابعه بصدر رحب ...

ـــــــــــــــــــــــــ ـــــــــــــــــــ

معلش بأه يا جماعة اصل حال الدنيا اتبدل وبقينا نشوف الحاجات دي في الشارع وبطريقة غريبة جدااااااااااااااااا

خطاً : تبقي خارج كده بتتمشي عالكورنيش .. وبعدين بتبص كده لقيت واحده معديه من جمبك
تقولها .. يا جميل يا قمر .. الجمال ده حرام يمشي عالأرض
تقوم قايلالك أومال يعني يمشي فين .. تقولها الجمال ده يمشي عالحيطه ...
تقوم راده عليك وعينيها كده فيها نظرة إحتقار كده يا أخي مش عارف ليه
وتقوم قايلالك .. بطل خفه يا ظريف ..
تقوم إنت تقولها خلاص انا آسف وتمشي وتسيبها

الصحيح : يكون ساعتها معاك حزام تكون لابسه في البنطلون ..
ويا سلام لو كان من أبو 15 جنيه اللي هو بتوكه كبيره ده
وبحتتة الحديده اللي في الحزام دي .. عارفها ( ما إنت ياما إتضربت بيها .. ولا ناسي ) ..
وفوق دماغها وتنزل يا معلم ومتسيبهاش غير لما تقول حقي برقبتي
لما يبانلها صاحب ... وتقولها .. مش كفايه إنك وحشه وكمان بتتكلمي ..

ههههه تصدقى بالله نفسى اعمل فيكى كده
_________________