معنى Rip و Full Rip فى الألعاب ..

معنى Rip و Full Rip فى الألعاب ..

يعنى ايه Rip ؟
Rip معناها بالعربى مقطع او ممزق يعنى حذف بعض مكونات اللعبة مثل
فيديو ، أغاني ، أصوات لاعبين ، التقليل من الجرافيك ( زى ما عمل Team JPN مع Crysis Warhead )
بعد الحذف ممكن متستمتعش باللعبة خالص زى حذف الفيديو أو أصوات اللاعبين زى ما حصل في Call Of Duty World At War لما Team JPB حذفوا الأصوات.
فكانت اللعبة غبية جداً و ماتصلحش للعب .. و زى GTA San Andreas فمتسمعش أصوات اللاعبين اطلاقا (تقريبا) الا في النسخة الغير محذوفة أو معدلة ..

مين اللى بيعمل الـ Rip ؟
اللى بيعمل الـ Rip شخص عادى زيى و زيك و مش شركة اللعبة ( و هو أمر غير قانونى فى الحقيقة ) و هم كتير جدا و من أشهرهم Team JPN و Rip For Games.

يعنى ايه Full Rip ؟
مصطلح ظهر جديد بمعنى ان اللعبة مش محذوف منها اى حاجة لكنها مضغوطة بدرجة كبيرة جدا عشان حجمها يقل و ساعات بيقلل جودة الفيديو فى اللعبة زى فى Call Of Duty.

مين اللى بيعمل الـ Full Rip ؟
برضو شخص عادى و أشهر اللى بيعملو الـ Full Rip هم Skullptura لأنهم احسن ناس فى ضغط الالعاب و العابهم كلها مضمونة و خالية من الاخطاء على عكس Team JPN.

اتمنى انكم تكونوا فهمتوا الفرق